Xiinxala Qabiyyee Caaslugaa Kitaaba Barataa Kutaalee 11fi 12: Walitti Fufinsaafi Dagaagina Irratti Xiyyeeffachuun
No Thumbnail Available
Date
2008-07
Authors
Journal Title
Journal ISSN
Volume Title
Publisher
Addis Ababa University
Abstract
Kaayyoo qorannoo kanaa dhihaannaa kitaaba barataa Afaan Oromoo bara 2005 kan
kutaalee 11fi 12 ija walitti fufinsaafi dagaagina qabiyyee caaslugaatiin xiinxaluudha.
Galma ga’insa kaayyichaatiif kitaabni barataa sakatta’amee jira. Barattoonni kutaa 12fi
barsiisonni lama iddatteeffamanii jiru. Iddattoolee kanneen irraa raga walitti qabuuf
ammoo meeshaalee funaansa raga sakatta’a kitaabaa, bargaaffiifi afgaaffiitti dhamma
bahaamee jira. Ragaan argame mala qorannoo akkamtaafi ammamtaa walmakaa (mala
makoon) qaacceffamee, ibsamee jira. Raga kana irraas wanti hubatame dhihaannaan
qabiyyee caaslugaa kitaaba barataa Afaan Oromoo kutaa 11fi 12 ija walitti fufinsaafi
dagaagina qabiyyeetiin hanqina qabaachuu isaati. Dhihaannaa gilgaalota caasluga
kitaabilee kanneen keessa jiru walitti fufinsa boqonnaadhaa gara boqonnaatti;
akkasumas kutaadhaa kutaatti jiruu xiyyeeffannoon kan hinkennamneef ta’uu; walitti
fufinsa keessaatti dagaaginni qabiyyee boqonnaa tokkoo gara itti aanuuttifi kutaadhaa
kutaatti jirus bakki kennamee xiqqaa ta’uun hubatamee jira. Kanarraa kan ka’e,
dhihaannaan qabiyyee caaslugaa kitaabilee kanneen keessaa kan barattootaa haala
gaariin hirmaachisuun caasluga dammaqinaan akka baratan taasisu miti. Dhihaannaan
gilgaalota caaslugaa kitaaba barataa Afaan Oromoo kutaa 11fi 12 boqonnaalee keessatti
qabiyyee dhihaatan walitti fufinsaafi dagaagina akka qabaataniif; akkasuma, kutaadhaa
kutaatti walitti fufinsaafi dagaagina qabiyyeetiin gargaaraman barsiisuuf barnoota
afaanii kitaabilee kanneenin kennamu cimsuun akka barbaachisuufi hanga kitaabni
fooyya’utti garuu barsiisonni tooftaa uumaanii qabxiilee kana xiyyeeffannaa keessa
galchuun barsiisuu akka qaban bu’aa qorannoo kanaa irraa ka’anii eeruun
nidanda’ama.
Description
Keywords
Qabiyyee Caaslugaa Kitaaba