Qaaccessa Ergaa Weedduu Durbaa Sirna Fuudhaa Fi Heerumaa Godina Shawaa Dhihaa Aanaa Ejeree
No Thumbnail Available
Date
2022-03-01
Authors
Journal Title
Journal ISSN
Volume Title
Publisher
Addis Ababa University
Abstract
Qorannoon kun qaaccessa weedduu durbaa Godina Shawaa Dhihaa Aanaa Ejeree irratti
xiyyeeffatee kan hojjetamedha. Kaayyoon guddaan qorannichaa ergaa weedduu durbaa Godina
Shawaa Dhihaa Aanaa Ejeree qaaccessuudha. Ka’umsi qorannichaa xiyyeeffannoon gama afoola
hawaasa Oromoo keessaa ergaa weedduu durbaa irratti qorannoon taasifame laafaa ta’uufi
weedduun durbaa kun xiyyeeffannoo kan hin arganne ta’uu dha. Qorannoon kun qorannoo
akkamtaa yoo ta’u, qorannoo kana gaggeessuuf weedduu durbaa hawaasa Oromoo xiinxaluun
immoo xiyyeeffanoo qorannoo kanaati. Akeeka kana galmaan ga’uuf mala iddatteessuu
kaayyeeffataatti dhimma bahameera. Ragaaleen qorannoo kanaaf itti fayyadame madda ragaa
tokkoffaa yoo ta’u: isaanis, namoota dhimmaa weedduu durbaa kana irratti hubannoo qaban
irraa odeeffannoo af-gaaffii, mariigareefi dawwannaan sassaabameera. Odeeffannoon kallattii
garagaraatiin walitti qabamee mala ibsaatti gargaaramuun qaacceeffameera. Kunis mala
akkamtaa fayyadamuudhaani. Adeemsi iddattoon qorannichaa ittiin filatame mala iddatteesuu
miti- carraa ta’ee kaayyeeffatadhaan adeemsifame. Dabalatanis weedduun durbaa kan jedhamuuf
adeemsa mataasaa akka qabuufi wanti raawwatamu jiraachuu akka qabu kan ibsudha.
Dhumarratti firiiwwan qorannoo kanneen bu’uura godhachuudhaan dhimmi weedduu durbaa kun
falaasama saba Oromoo waan ta’eef ,qophii kitaabilee barnootaa keessa galee osoo ittiin
baratamee ittis barsiifame yaadi furmaataa osoo itti kenname gaariidha. Qaamni dhimmi
ilaalatu, qorattoonni, waajjirri Aadaafi Turiizimii Godina Shawaa Dhihaa Aanaa Ejeree,
hayyoonni afaanifi Waajjirri Barnootaa qorannoo kana bu’uura godhatee dhimma kana irratti
daraan xiyyeeffatee osoo hojjeteen yaada dabalataa kennamedha.Jechoota ijoo:weedduu,
durbaasirnafuudhaafheerumaa,afoolaaddooyyeek.k.f.