Qaaccessa Fayyadama Afaanii Gabaa Keessatti: Haala Godina Horroo Guduruu Wallaggaa Aanaa Horroo Bulluq Gabaa Saqalaa
No Thumbnail Available
Date
2018-08
Authors
Journal Title
Journal ISSN
Volume Title
Publisher
Addis Ababa University
Abstract
Qorannoon kun mata duree,”Qaaccessa Fayyadama Afaanii Gabaa keessatti:Haala Godina Horroo Guduruu Wallaggaa Aanaa Horroo Bulluq Gabaa Saqalaa”irratti gaggeeffame.Kaayyoon qorannoon kun of keessatti qabatee jiru:Dhaaba waan bitamuufi gurguramuutiin walqabatanii fayyadama afaanii gabaa Saqalaa keessatti mul‟atan ibsuu, gahee fayyadamni afaanii eenyummaa gabaafi bakka isaa ijaaruu keessatti qabu eeruufi walmakiinsa afaanii bakka gabaa keessatti haala fayyadama afaanii argaman qaaccessuun dhihaateera.Qorannoon kunis mala akkamtaatti fayyadamuun dhihaateera.Adeemsa qorannoo kanaa keessatti qoratichi iddaattoo mala akkayyoo filachuun fayyadameera.Qorannoo kana keessattis ragaaleen daawwannaan waraabamanii guraamani jechaan qaaccessamanii jiru.Qoratichi Argannoon qorannoo kanaa adeemsa sirna bituufi gurguruu gabichaa keessatti fayyadamni afaanii haala yoomessa uumamaa irratti hundaa‟uun gabaan tokko dhaaba dhaaban hiikni inni dabarsu adda ta‟uu ibsameera.Kanamalees,hawaasni gabaa keessatti bal‟inaan Afaan Oromootti yemmuu fayyadamu ni jira.Haa ta‟uu malee,Afaan Amaaraas itti makanii wayita dubbatan sababii makame kanaaf walii galtee kan hin dhorkine ta‟uus addeeffameera. Kanaafis,sababii dhiibba siyaasaa, dinagdee, aadaafi amantaanis sirnoota darban keessatti hacucaa afaanota hawaasaa irraa gaha tureef fayyadamni afaanii gabaa keessatti dubbatan kan walmake ta‟uu ibsameera.Akkasumas,dubbii yookiin haasaan fayyadama afaanii sirna gabaa keessatti caasaa isaa kan eeggate osoo hin taane ergaa dubbatamu sana bu‟uureffachuun kan hawaasni gargaaramu ta‟uu eerameera.Fayyadamni afaanii hiiknisaa kunis haala iddoo yookiin bakka, yeroon murtaa‟uu akka danda‟u qorannoo kana keessatti addeeffameera.