Xiinxala Haala Dhiheenyaafi Walsimannaa Caaslugaa Kitaaba Barataa Kutaalee 9 Fi 10
No Thumbnail Available
Date
2010-08
Authors
Journal Title
Journal ISSN
Volume Title
Publisher
Addis Ababa University
Abstract
Kaayyoon qorannoo kanaa haala dhihaannaafi walsimannaa caaslugaa kitaabilee barataa Afaan Oromoo kutaalee 9fi 10 bara 2005 maxxanfame xiinxaluudha. Galma ga‟insa kaayyichaatiif kitaabni barataa, qajeelchi barsiisaafi silabasiin sakatta‟amee jira. Kitaabni barataa, qajeelchifi silabasiin iddatteeffamanii jiru. Iddattoolee kanneen irraa ragaa walitti qabuuf ammoo meeshaalee funaansa ragaa sakatta‟a dookumentiitti dhimma bahaamee jira. Ragaan argame mala qorannoo akkamtaafi ammamtaa walmakaa (mala makoon) qaacceffamee, ibsamee jira. Ragaa kana irraas wanti hubatame dhihaannaan walsimannaa qabiyyee caaslugaa kitaaba barataa Afaan Oromoo kutaa 9 fi 10 hanqina qabaachuu isaati. Dhihaannaa caasluga kitaabilee kanneen keessa jiru boqonnaadhaa gara boqonnaatti; akkasumas kutaadhaa kutaatti jiru xiyyeeffannoon kan hinkennamneef ta‟uu; walsimannaa boqonnaa tokkoo gara itti aanuuttifi kutaadhaa kutaatti jirus bakki kennamee xiqqaa ta‟uun hubatamee jira. Kanarraa kan ka‟e, dhihaannaan qabiyyee caaslugaa kitaabilee kanneen keessaa kan barattootaa haala gaariin hirmaachisuun caasluga dammaqinaan akka baratan taasisu miti. Akkasumas, dhihaannaan caaslugaa kitaaba barataa qajeelcha barsiisaafi silabasii xiyyeeffannoo guddaa kan barbaaduudha. Dhihaannaan caaslugaa kitaaba barataa Afaan Oromoo kutaa 9 fi 10 boqonnaalee keessatti qabiyyee dhihaatan walsimannaa akka qabaataniif; akkasuma, kutaadhaa kutaatti walsimannaa caasluga kitaabilee kanneenin keessatti dhihaatan cimsuun akka barbaachisuufi hanga kitaabni fooyya‟utti garuu barsiisonni tooftaa uumaanii qabxiilee kana xiyyeeffannaa keessa galchuun barsiisuu akka qaban bu‟aa qorannoo kanaa irraa kan argameedha.