Qaaccessa Fayyadama Afaanii Asoosama ‘Dibaa’
No Thumbnail Available
Date
2017-08
Authors
Addunyaa, Girmaa
Journal Title
Journal ISSN
Volume Title
Publisher
Addis Ababa University
Abstract
Kaayyoon qorannoo kanaa asoosama ‘Dibaa’ jedhu keessatti fayyadama afaanii irratti
xiyyeefachuun qaaccessu yemmuu ta’u, ka’umsi isaatis afoolafii aadaa Oromoo baayy’ee
irratti qorannoon kan gaggeeffame yoo ta’u ogbarruu barreeffamaa Oromoo irratti garuu
qorannoon gaggeeffame baayy’ee muraasa. Kun immoo xiyyeeffannoon ogbarruu
barreeffama Afaan Oromootiif kennamaa jiru waan xiqqaachaa dhufe fakkata. Kun immoo
sirna barnoota afaanichaa irratti xiyyeeffannoon ogbarruu barreeffamaaf kennamu akka
xiqqaatufii dhimmoonni ogbarruu barreeffamaan walqabatan qophii sirna barnootichaa
keessatti akka hin hammatamnef gufuu guddaa ta’a. kun immoo sirni barnootichaa akka
qulqulina hinqabaanne gochuu bira darbee afaanichi ogbarruu barreeffamaa gabbataa
akka hinqaabaane taasisuun guddini afaaniichaa booddetti akka harkifatu taasisa. Kana
malees fayyadama afaanii qophii kitaabilee barnootaa keessaa dhabamuun haalli barnoota
daree keessatti kennamu qabatamaafi hawwataa akka hintaane godha. Qorammoon kun
wantoonni xiyyeeffannoo dhaban kunniin haala itti fooyyauu danda’aniifi fayyadamni
afaanii sirna barnootaafi qophii kitabilee barnootaa keessatti yoo hammataman faayidaan
isaan barnoota afaanii keessatti qaban guddachuu akka danda’u hubachiisuufi qaaccessuu
irratti kan xiyyeeffatamee hojjetameedha. Kana malees barreessaan asoosama kanaa
fayyadama afaanii asoosamicha keessatti fayyadameen hagam ergaa dabarfachuuf
barbaade sana akka galmaan gahate qorannoo kana keessatti ilaalameera .