ሴትነት በተመረጡ የዘፈን ግጥሞች
No Thumbnail Available
Date
2024-08
Authors
Journal Title
Journal ISSN
Volume Title
Publisher
አዲስ አበባ ዩኒቨርስቲ
Abstract
ይህ ጥናት “ሴትነት በተመረጡ የዘፈን ግጥሞች” በሚል ርዕስ የተካሄደ ሲሆን፤ዋና ዒላማውም በተጠቀሰው ዘመን ሴትነት እንዴት እንደተሳለ በእንስታዊያን የሥነ-ጽሐፍ ሂስ የይዘት ትንተና ማድረግ ነው፡፡ በንድፈ ሐሳቡ መተገጊያነት በግጥሞቹ ውስጥ የሴት አቀራረጽ፣ ውስጣዊ እና ውጫዊ (አካላዊ) ውበት እንዴት እንደተሳለ ተመርምሯል፡፡ በዚህም ሴቶች ከማኅበረ ባህሉ ውጪ በራሳቸው መንገድ በመጓዛቸው መኮነናቸው፣ ውበታቸው በተለምዶዊው የውበት ማወደሻ መቅረቡ፣ ቅንድብ፣ ከንፈር እና ዓይን ወንድን የሚስቡ የቆንጆ ሴት ማሳያ ሆነዋል፡፡ ከውስጣዊ ውበት አንጻርም ሴቶች የሰናይ ባህሪ ባለቤት ተደርገው የሚገለጹት ማኅበረ ባህሉ ባዘጋጀላቸው መመዘኛ መሰረት መሆኑ፣ በብዙዎቹ ግጥሞች ሴቶች በማኅበረ ባህሉ መለኪያት ተመዝነው አታላይ፣ ከሃዱ፣ ተገዢ ተደርገው የተሳሉበት እና በራሳቸው አዲስ ማንነት የሚሄዱ ከአባታዊው ዓለም ልማድ ቀድመው የወጡ ሴቶች ተመልሰው የልማድ እስረኛ መሆናቸው ጥሩ ሰብዕና ሲያስብላቸው ታይቷል፡፡ በአጠቃላይ በወንዶች ስለ ሴቶች የሚገጠሙ ግጥሞች የአባታዊውን ስርዓት የሚያንጸባርቁ ሆነው ተገኝተዋል፡፡ እንስቶች ለወንድች ደስታ እና ግዞት በሚመች መልኩ ተስለዋል፡፡ የወንዶች ብዕር ብዙውን ጊዜ እንስታዊነትን የሚገልጸው አባታዊው ዓለም በሚፈልገው ሁኔታ ብቻ ሆኗል፡፡ ተተኳሪ ግጥሞቹ የቀረቡበት ይዘት ሴትን ዝቅ አድርጓል፡፡ በእንስታዊው የሥነ-ጽሐፍ ሂስ ዓይን መረዳትም አብዛኞቹ ግጥሞች ሴቶችን ያቀረቡበት ሁኔታ “የተዛባ’ የሚያስብል መሆኑን የጥናቱ ውጤት አመላክቷል፡፡