Xiinxala Ga’umsa Qabiyyee Gilgaalota Kitaaba Barnootaa Afaan Oromoo Kutaa 4ffaa
No Thumbnail Available
Date
2017-08
Authors
Journal Title
Journal ISSN
Volume Title
Publisher
Addis Ababa University
Abstract
Qorannoon kun mataduree “Xiinxala Ga’umsa Qabiyyee Gilgaalota Kitaaba Barnootaa
Afaan Oromoo Kutaa 4ffaa” irratti geggeeffame. Ka’umsi qorannichaas, qophiin qabiyyee
gilgaalota kitaabichaa dandeettiwwan bu’uuraafi gooree afaanii karaa ga’umsa
barattootaa dabaluu danda’uun dhihaachuurratti xiyyeeffannaa dhabuudha.Kaayyoon
isaas bakkeewwan hanqinoonni kun itti mul’atan addaan baasuun akkamitti dhihaachuu
akka qaban ibsuudha.Qorannoo kana gabbisuuf kitaabileen adda addaa mataduree
kanaan walqabatan sakatta’amaniiru.Maddi ragaa qorannoo kanaas KB kutaa 4ffaafi
barsiisota iddatteeffamanidha.Qorannichis,gosa qorannoo akkamtaan kan dhiyaate
ta’ee, saxaxa ibsaan ibsameera.Mala iddatteessuu miticarraa keessaa iddatteessuu
akkayyoo fayyadameera.Sakatta’a taasifameefi afgaaffii barsiisotaaf dhihaate kana
irraas wanti argame, ga’umsi qabiyyee gilgaalota kitaabichaa dandeettiwwan bu’uuraafi
gooree afaanii barsiisuu keessatti fakkeenyonni inni kitaaba irratti fudhate hanqina
caasaa akka qaban,dubbisni dhihaate garmalee kan bal’ate ta’uufi gilgaalonni
seerlugaas qindoomina kan hinqabne ta’uudha.Kana malees,sadarkaa kanatti barattoota
afoola garaa garaan deggeranii gilgaalota qopheessuun barbaachisaa ta’ee osoo jiruu
qabiyyee qophii gilgaalota kitaabichaa keessatti kan hinhaammatamne waanta’eef
hanqinaaleen isaa kun addaan ba’uun sakattaa’amaniiru.Qaaccessa geggeeffameefi
cuunfaa qorannichaa irratti hundaa’uun argannoowwan gurguddoon qorannichaa:
Qophiin qabiyyee gilgaalota kitaabichaa akkaataa dandeettii barattootaa gabbisuu
danda’uun hindhihaanne. Gilgaalonni seerlugaa seera afaanii eeganii dhihaachuurratti
hanqina qabu. Dubbisni kitaabichaafi qajeelcha isaarra jiru baay’ee bal’aa akka ta’eefi
yeroo kennamee waliin kan walhinsimneefi qabiyyeen silabasii barnootichaa bakki inni
itti gilgaala kitaabichaa keessatti hinhaammatamne jiraachuu isaati.Waluamaa
galatti,qophiin gilgaalota kitaabichaa irra deebi’amee ilaalamuu akka qabu bu’aan
qorannichaa ni agarsiisa.