Qaaccessa Walfaanommii Dubbifamaa Looga Oromoo Tuullamaa: Akka Godiina Shawaa Kaabaa Aanaa Warra Jaarsootti Fiqaaduu Kaasaa
No Thumbnail Available
Date
2018-08
Authors
Journal Title
Journal ISSN
Volume Title
Publisher
Addis Ababa University
Abstract
Kaayyoon qorannoo kanaa sagaleewwan walfaanommii dubbifamaa jechoota Afaan Oromoo keessatti argaman keessaa sagaleewwan walfaana hiriiruu danda’aniifi hindandeenye; walfaanommii uumuu keessatti kanneen jalqaba, lammaffaarra, jalqabaafi lamafaarrafi tokkon tokkoon dhamsagoota dubbifamaa jecha gedduutti jalqabarra hiriiranitti dhamsagoonni dubbifaman aananii dhufuun waliin hiriiraniifi tokkon tokkoon dhamsagoota dubbifamaa lammaffarra hiriiranitti dhamsagoonni dubbifamaan hordofanii galuu danda’an kam kam akka ta’e qorannoo kanaan adda baasuudha. Kaayyoo kanas galmaan ga’uuf barreeffamoonni Waajjira Aadaafi Turiizimii Aanaa Warra Jaarsootti argamaniifi jechoonni Afaan Oromoo hawaasni Oromoo naannoo qorannoon kun itti gaggeeffametti argaman fayyadaman sakatta’amanii jiru. Tooftaa funaansa ragaa keessaa qorannoon kun sakatta’a dookimantii, haasa’a namootaa keessatti hirmaachuu dhimma bahamee jira.Ragaalee mala kanaan funaannaman kana immoo akkamtaatti dhimma bahuufi hanga tokko immoo hammamtaadhanis kaa’uun xinxaalamaniiru. Haaluma kanaan bu’aan xiinxala ragaa akka muullisutti dhamsagoota dubbifamaa Afaan Oromoo keessaa kanneen jechoota Afaan Oromoo keessatti walfaana hiriiruu danda’an;kanneen walfaana hiriiruu hindandeenye;kanneen yemmuu walfaana hiriiran jalqaba hiriiruu danda’an;kan lammaffaarra hiriiran; haala lamaan jalqabaafi lammaffaarrafi warreen jalqabarra hiriiranitti kan fufaniifi lammaffaarra kan hiriiran kan hordofuu danda’an qorataan kun qorannoo kana keessatti adda baasee jira.Kanaafuu, qorannoo kana bu’uureffachuun namoonni Afaan Oromoo irratti qorannoo gaggeessan, Biiroon Aadaafi Turiizimii Oromiyaa, barsiisonniifi barattoonni, ogeeyyii birnootaa, abbaa afaanichaa kan ta’e hawaasni Oromoo qorannoo kanatti fayyadamuufi daran cimsuun irraa akka eeggamu qorannoo kana keessatti ibsameera.
Description
Keywords
Oromo Language