Qaaccessa Fayyadama Afaanii Baankiiwwan Aanaa Walmaraa
No Thumbnail Available
Date
2019-08
Authors
Abdiisaa, Addis
Journal Title
Journal ISSN
Volume Title
Publisher
Addis Ababa University
Abstract
Qorannoon kun „Qaaccessa Fayyadama Afaanii Baankiiwwan Aanaa Walmaraa„jedhu irratti xiyyeeffatee qoratame. Qorannoo kana gaggeessuudhaaf wanti qorattuu kakaase, maamiltoonni dhimmaa daddabarsa maallaqaan walqabatuuf yemmuu gara baankiiwwanii dhufan haalli fayyadama afaanii baankiiwwan keessatti hojirra oolu rakkoo ta‟uu yeroo komatan dhagahuufi namoonni waa‟ee haala fayyadama afaan achi jiruu hinbeekne tajaajila argachuuf dhiphinaafi sodaa isaan ibsan waan argiteefi. Kaayyoon gooroo qorannoo kanaa, Fayyadama Afaanii Bankiiwwan Aanaa Walmaraa keessa jiru maal akka fakkaatu qaaccessudha. Haaluma kanaan qorattuun kaayyoo ishee galmaan gahuuf mala qorannoo makootti dhimma baateetti. Argannoowwan gurguddoo qorannoo kanaa akka ibsanitti, maamiltoonni gara baankiiwwanii yeroo dhufan fayyadama afaanii baankiiwwan keessa jiru wallaaluu irraa kan ka‟e yaada isaanii ibsachuuf kan rakkatan ta‟uudha. Gama birootinn baankiiwwan keessatti labsiin fayyadama afaanii hojiirra kan hinoolle ta‟uu bira gahameera. Barreeffamoonni maqaa dhaabbatichaa ibsuuf alatti barreeffamanii jiraniifi tajaajilli keessa jiru kan walhinfakkaannedha. Fayyadama afaaniin walqabatee fedhiin hojjattootaafi maamiltoota bira jiru Afaan Oromoo akka ta‟u barbaaduun ni mul‟ata. Jechoonni akka beeksisaatti barreeffamanii jiran hiikni isaanii kan hinhubatamne ta‟uufi xiyyeeffannoon baankiiwwan fayyadama afaaniif kennan laafaa ta‟uun qorannoo kanaan bira gahameera. Kanarraa ka‟uun, yaboon qorannoo kanaa, baankiiwwan keessatti labsiin fayyadama afaanii jiru hojiirra ooluu akka qabu, barreeffamoonni maqaa dhaabbatichaa ibsuuf alatti barreeffamaniifi tajaajilli keessatti kennamu walsimatee maamilli tajaajila gahaa argachuu akka qabu, Afaan Oromoon dabalataan tajaajila kennuu akka danda‟u gochuu, hiikaafi ergaawwan baankiiwwan keessa jiran hubachuuf afaan walteessuufi moggaasuun akka barbaachisu, jedhu yaboo qorattuun furmaata ta‟a jettee dhiyeessitedha.
Description
Keywords
Oromo Language