በደቡብ ክልል በ2009ዓ.ም. ስራ ላይ በዋለው የ8ኛ ክፍል የአማርኛ ቋንቋ መማሪያ መጽሐፍ ውስጥ የተካተቱ የሰዋስው ትምህርት ይዘቶች አቀራረብና አደረጃጀትግምገማ
No Thumbnail Available
Date
2010-06
Authors
Journal Title
Journal ISSN
Volume Title
Publisher
Addis Ababa University
Abstract
በዚህ ጥናት በ2009ዓ.ም. ስራ ላይ በዋለው የደቡብ ክልል የ8ኛ ክፍል አማርኛ ቋንቋ
መማሪያ መጻህፍ ውስጥ የተካተቱ የሰዋስው ትምህርት ይዘቶች አቀራረብና አደረጃጃት ምን
እንደሚመስል ተገምግሟል፡፡ ጥናቱ አላማ አድርጎ በተነሳቸው ነጥቦች ዙርያ የቋንቋ ምሁራን
ያቀረቧቸውን ንድፈሀሳባዊ መሠረቶች መንደንደሪያ በማድረግ በሰዋስው ትምህርት ይዘቶች
አቀራረብና አደረጃጀት ስር መነሳት ያለባቸውን ነጥቦች ተመልክቷል፡፡ ጥናቱን እዳር ለማድረስ
ጥቅም ላይ የዋለው የመረጃ መሰብሰቢያ ሰነድ ፍተሻ ሲሆን ይህም በአይነታዊ የምርምር ዘዴ
በመጠቀም በገላጭ ስልት ቀርቧል፡፡ በጥናቱ የተገኘው ውጤት እንደሚያመለክተው የይዘቶቹን
አቀራረብ በተመለከተ ከአጠቃላይ ወደ ዝርዝር ይልቅ ከዝርዝር ወደ አጠቃላ የቀረቡ የሰዋስው
ትምህርት ይዘቶች አብላጫውን ሽፋን ይይዛሉ፡፡ ይሁን እንጂ ከዝርዝር ወደ አጠቃላይና
ከአጠቃላይ ወደ ዝርዝር የቀረቡት ይዘቶች በጥሩ ሀኔታ የቀረቡ ሲሆን እንደ ደካማ ጎን
የታየው በአንድ ትእዛዝ ስር የተለያዩ ሶስትና ከዚያ በላይ የሆኑ ርዕሰ ጉዳዮችን ማካተቱና
ገለጻ ሲቀርብ መልእክት በትክክል አለመቅረቡ ነው፡፡ ውጤት ተኮር በሆነ መንገድ የቀረቡት
ይዘቶች ሂድት ተኮር ሆነው ከቀረቡት በተሸለ ጥቅም ላይ እንደዋሉ ታይቷል፡፡ ከአደረጃጀት
አንጻርም በመማሪያ መጽሃፉ ውስጥ የተካተቱት የሰዋስው ትምህርት ይዘቶች በአብዛኛው
ተከታታይነት ኖሯቸው የተደራጁና ስፋትና ጥልቀታቸው እየጨመረ የሚይሄዱ ናቸው፡፡
በተረፈ መጻህፉ አጠቃላይ በሆነው የይዘት አደረጃጀትና ከመርሃ ትምህርቱ ጋር ባለው
ተዛምዶ መልካም የሚባል ነው፡፡ በመጨረሻም በመማሪያ መጽሃፉ ውስጥ የተስተዋሉ ደካማ
ጎኖችን ለማሻሻል ይረዳሉ ተብለው የታመነባቸው የመፍትሄ ሃሳቦች ተሰንዝረዋል፡፡
Description
Keywords
በ2009ዓ.ም. ስራ ላይ በዋለው የደቡብ ክልል የ8ኛ ክፍል አማርኛ ቋንቋ መማሪያ