Xiinxala Rakkina Qubeessuu Jechoota Afaan Oromoo Barattoota Mana Barumsaa Sad.2ffaashanoo Kutaa 10ffaa Afaan Oromoo Akka Afaan Lammaffaatti Baratan
No Thumbnail Available
Date
2021-11
Authors
Journal Title
Journal ISSN
Volume Title
Publisher
Addis Ababa University
Abstract
Kaayyoon qorannoo kanaa rakkina qubeessuu jechoota Afaan Oromoo barattoota Mana Barumsa Sada. 2ffaa Shanoo kutaa 10ffaa Afaan Oromoo akka afaan lammaffaatti baratan xiinxaluudha. Kaayyoo kana galmaan gahuuf, qoratichi malleen qorannoo itti fayyadame mala makaa jechuuns mala akkamtaa fi mala hammamtaati fayyadameera. Akkasumas, qorannoo kana keessatti meeshaaleen odeeffannoon ittiin funaanaman kan akka bar-gaaffii, af-gaaffii, daawwannaa daree, qormaataa fi dookumantii sakattaa’uun hojiirra oolanii jiru. Gaaffileen brgaaffiifi af-gaaffii barsiisota jahaaf dhiyaatanii jiru. Meeshaalee kanneenitti fayyadamuun odeeffannoowwan qaamota adda addaa irraa erga funaanamanii gaaffiiwwan bar-gaaffii ta’an gabateetti fayyadamuudhan dhibbeentaatti jijjiiramanii qaacceffamanii hiikni jechaan itti laatamee jira. Achumaan odeeffannoowwan jiran hundi cuunffamanii cuunfaa jalatti kaa’amanii jiru. Argannoowwan qorannoo kanaa keessaa muraasni: barattoonni Mana Barumsa sad. 2 ffaa Shanoo Afaan Oromoo akka afaan lammaffaatti baratan dandeettiin isaan jechoota Afaan Oromoo qubeessurratti qaban gadaanaa ta’uu isaa; barattoonni jechoota Afaan Oromoo adda addaa barreessuun shaakala gochuu dhiisuun isaanii; hanqina qubeessuu barattootaa fooyyessuuf barsiisonni deeggarsa kan hin gooneef ta’uu isaaniti. Argannoowwan kanneen irraa ka’uun yaadonni furmaataa qorannoo kana keessatti eeraman keessaa muraasni: barsiisonni barattoota jechoota Afaan Oromoo qubeessuurratti dandeettii gadaanaa qaban addaan baasuun kophaatti barumsa tuutooriyaalii osoo kennaniifii gaariidha; barattoonni hanqina qubeessuu jechoota Afaan Oromoo qaban akka fooyyeffatan barsiisonni deeggarsa osoo taasisaniifii gaariidha kan jedhamani.