Sakatta’a Itti Fayyadama Meeshaalee Aadaa Amantii Waaqeffannaa Keessatti: Haala Qabatamaa Godina Salaalee Annaa Jiddaa
No Thumbnail Available
Date
2021-09
Authors
Journal Title
Journal ISSN
Volume Title
Publisher
Addis Ababa University
Abstract
Meeshaaleen aadaa Amantii Waaqeffannaa keessatti faayidaa adda addaa kan qabuudha.
Hanga ammaatti qorannoon meeshaalee aadaa amantii waaqeffannaa keessatti dhimma itti
bahaman irratti qorannoon gadi fageenya gaggeeffame bal’inaan hinjiru. Meeshaaleen kunniin
yeroo ammaa hawaasa Oromootiin dagatamuu haala dandaa’u keessa jira. Kanummarra
ka’uun qorataan qorannoo kanaa haalli itti fayyadama meeshaalee aadaa amantii waaqeffannaa
Oromoo Salaalee maal akka fakkaatu ilaaluuf murteesse. Kanuma bu’uureffachuudhaan
daangaan qorannoo kanaa “Sakatta’a itti fayyadama meeshaalee aadaa Amantii Waaqeffannaa
ilaallatan haala qabatama Godina Salaalee keessaa Aanaa Jiddaa irratti kan xiyyeeffateedha.
Kaayyoon ijoo qorannoo kanaa akkaataa itti fayyadama meeshaalee aadaa amantii
waaqeffannaan haala qabatama Godina Salaalee Aanaa Jiddaa keessatti argaman qaaccessun
ibsuudha. Gama kanaan qorannoon wal fakkiifi yaad-rimee haayyootaa gama itti fayyadama
meeshaalee aadaa wajjiin kan walitti dhufeenya qabaniis ilaalameera. Madda ragaawwan
qorannoof kanaaf ta’us kan qindaa’e hawaasa keessatti odeef keennitoota manguddootaafi
dubartoota akkasumas, hogeeyyii Waajjira Aadaafi Trizimiifi hordoftoota amantii waaqeffannaa
hubannoo akkaataa itti fayyadama Meeshaalee aadaa amantii waaqeffannaa keessatti dhimma
itti Bahaman irratti qaban 16 irraa odeeffannoo funaanuuf mala iddatteessuu miti carraa
(akkaayyoo) fayyadamuun filachuun erga odeeffannoon qorannichaaf barbaachisu walitti
qabameen baada, mala qorannoo Akkamtaa (qualitative)tti dhimma bahamuun odeeffannichi
qaacceffameera. Akka waliigalaattis akkaataa itti fayyadama meeshaaleen aadaa amantii
weaaqeffannaa Aanaa Jiddaa keessatti yeroo ammaa akka duraanii kan hin jirre ta’uufi
dhaloota haaraayaatiin salphatti irraaffatamuu danda’uusaa mul’isa. Akkasamus, meeshaalee
ammayyaan bakka buufamaa jirachuu isaanii argannoo qorannoo kanaatiin bira ga’ameera.
Argannoo qorannicha, keessatti tuqaman irratti hundaa’uun Meeshaaleen Aadaa amantii
waaqeffannaa keessatti dhimma itti Bahaman akka hin badneef qaamni dhimmi ilaallatuufi
Waajjirri Aadaafi Turizimi Godina Salaalee aanoolee godinicha keessatti argamanitti
godambaa ijaaruun cinaatti gosa isaaniitiin qooduun qorannoo gadi fagoo irratti taasisuu
barbaachisaa ta’uun akeekameera. Haaluma walfakkaatuun ogeessota meeshaalee aadaa
omishaanif deeggarsi barbaachisu gama waajjira Intarepiraayisi Mayikiroo xixiqqaatiin
taasisuun akka gabaatti dhiyeessanii madda galii argachuu danda’an gochuun meeshaalee
aadaa kana badiirra hambisuun labata dhuufuuf osoo dabarsani ummaticha faana turuu
kandanda’uta’uunkaa’ameera.