Waallee Dubbii Walquunnamtii Daree Barumsa Afaan Oromoo Keessatti: Haala Mana Barumsa Sadarkaa Lammaffaa Biiftuu Aayiraa Kutaa 10ffaa
No Thumbnail Available
Date
2019-08
Authors
Journal Title
Journal ISSN
Volume Title
Publisher
Addis Ababa University
Abstract
Kaayyoon qorannoo kanaa,Waalleen dubbii walquunnamtii daree barumsaa Afaan Oromoo keessaa xiinxalurratti xiyyeeffata.Kanaafuu, gaaffiiwwan waallee dubbii walquunnamtii daree barumsa Afaan Oromoo keessatti mul’atu maal fakkaata, ergaan waallee dubbii daree barumsa Afaan Oromoo keessa dabarsuufi eenyummaa barataafi barsiisaa daree barumsichaa keessatti waallee dubbiin ijaarame maal fakkaata kan jedhuufi deebii isaa bira gahuuf waallee dubbii afaaniifi walquunnamtii Afaan Oromoo irratti argamu gadifageenyan ragaaleen mana barumsichaa keessa funaanaman qaaccessaan ilaalameera. Kanaafuu,qorannoo kana geggeessuuf qorataan saxaxa ibsaatti fayyadameera. Saxaxa ibsaa keessaa ammoo,mala akkamtaatti kan fayyadamee yoo ta’uu,Sababni akkamtaatti fayyadameef immoo qorannoo kana irra caalaatti qabatamaa taasisuuf jechaatti fayyadamee odeeffannoo waan funaanteefidha. Argannoon argame akka agarsiisutti,Kan barsiisaa giddu galeessa godhateedha.Carraan waallee dubbichaa haala dalaga gochaawwan adda addaa itti dalagu hin jiru;kaka’umsi yookiin si’aayinni barattoonni hiika waallee dubbii caasichaa keessatti argachuuf itti carraaqan hin mul’atu;haalli barattoonni ergaa waliigalaa isaan hawaasa keessatti jiruufi jireenya isaanii keessatti isaan muddatu kutaatti calaqqisiisan baay’ee gadi aanaadha;hojiileen kutaa adda addaa barsiisaadhaan qofa kan kutaatti hojjetamaniidha.Kana malees,haalli gilgaalonni garaagaraa kitaaba barataatiin ala ta’an itti hojjetaman,itti fayyadamni meeshaalee deggeersa barnootaa baay’ee muraasa. Hanqinni leenjjii barsiisonni jijjiirama tooftaa barnoota afaaniirratti argachuu qabanirraa kan ka’e,kaka’umsi isaan qaban kan haalaan seerota adeemsa hayyuuleen jedhaniin kan walsimatu miti.Kana waan ta’eef,mala baruufi barsiisuu keessatti waalleen dubbii daree barumsa Afaan Oromoo keessaa xiyyeeffannoodhan yoo irratti hojjetame hirmannaafi dandeettiin dubbii barattootaa foyyaa’a adeemuu akka danda’a yaada furmaata isaa keessatti hubachisa.