Xiinxalaraawwii Sirnaayyaanaibsaa Kormaa Haala Qabatama Oromoo Godina Shawaa Lixaa Aanaa Dirree Incinniitti
No Thumbnail Available
Date
2008-07
Authors
Journal Title
Journal ISSN
Volume Title
Publisher
Addis Ababa University
Abstract
Qorannoo kana gaggeessuuf wantonni ka’umsa ta’an: raawwii sirni ayyaana Ibsaa kormaa
aadaa,safuu, hawaasdinageefi haala jiruufi jireenya barsiissu, dhugeeffannoo hawaasichaa
gama hawaasdinagdee, aadaafi muuxannoo jiruufi jireenyaa kan ittinwaliif dabarsan yeroo
ammaa kana dagatamuu isaafi kitaaboleefi galaalchawwan kanaan dura barreeffaman
keessatti waa’ee mata duree kanaa kallattiin kan addeessu waan hin barreeffamneef,
kanamalees qorannoon mata duree kana irratti waan hin gaggeeffamneef ka’umsaaf sababa
ta’aniiru. Kaayyoon qorannoo kanaa raawwii sirna ayyaana Ibsaa kormaa Godina Shawaa
Lixaa Aanaa Dirree Incinnii xiinxaluudha. Malli qorannichaa mala qulqullaa’inaan yoo
ta’u tooftaaleen iddatteessuu qorannichaa immoo iddatteessuu kaayyeeffataati.Maloonni
funaansa ragaaleef hojiirra oolan, afgaaffii, daawwannaafi marii garee yoo ta’an
ragaaleen mala kanaan walitti qabaman immoo tooftaa qorannoo ibsaa fayyadamuun
qaacceeffameera. Adeemsa kana hordofuun argannoowwan qorannoo kanaan bira
gahaman: raawwiisirna ayyaana Ibsaa kormaa akkuma duudhaalee Hawaasa Oromoo
kanneen biroo yeroofi safuu eegee kan raawwatamu ta’uu, alduree ayyaana kanaarratti
rakkolee xixiqqoon jiruufi jireenya keessatti mudatan Hawaasa aannichaa biratti karaa
jaarsummaa furamuu, sirna facaafannaa raawwachuun ,buna qaluun walhormaanni akka
qajeeluuf dhugeeffachuun, yeroo ayyaaneffannaa ayyaanichaatis Ibsaa kormaa tiin
dhugeeffannoon bal’aan akka jiru xiinxala keessatti daraan ibsameera. Kanamalees
raawwiin sirna ayyaana kanaa dhugeeffannoo hedduufi faayidaa bal’aa Hawaasa keessatti
qabu kun dhiibbalee hordoftoonni amantii yeroo dhihoo biyyaa keessagalaniifi haala
yeroon walqabatee rakkooleen mul’atan ayyaanni kun qabiyyee, faayidaa qabu qabatee
Hawaasa keessatti akka hintajaajilleef rakkoon guddaan ta’uun bira gahaameera. Raawwii
sirna ayyaana kana irratti geggeeffamu hariiroo Hawaasaa cimsuuf dinagdeefi
hawaasummaa guddisuuf aadaa Hawaasaa kunuunsuuf shoora ol’aanaa waan qabuuf
Waajirri Aadaafi Turiizimii osoo gadfageenyaan qoratee bifa barreeffamaatin kaa’e bu’aa
qabeessa ta’a.
Description
Keywords
Xiinxala raawwii Sirna ayyaana ibsaa Kormaa Haala Qabatama Oromoo Godina Shawaa Lixaa Aanaa Dirree Incinniitti