Qaaccessa Asoosamoota Dhoksaa Jireenyaafi Quba Qubeelaa Yaaxina Bifiyyeetiin
| dc.contributor.advisor | Nagaasaa, Mulgeetaa (PhD) | |
| dc.contributor.author | Huseen, Muhaammad | |
| dc.date.accessioned | 2019-04-19T13:00:35Z | |
| dc.date.accessioned | 2023-11-30T04:25:47Z | |
| dc.date.available | 2019-04-19T13:00:35Z | |
| dc.date.available | 2023-11-30T04:25:47Z | |
| dc.date.issued | 2017-08 | |
| dc.description.abstract | Qorannoon kun kan irratti xiyyeeffatu Qaaccessa asoosamoota Dhoksaa Jireenyaafi Quba Qubeelaa Yaaxina Bifiyyeetiin.Matadureen qorannoo kun akka qoratamu qoratichaaf ka`umsa kan ta`e;qorannoowwan kanaan dura mata-duree kanaan asoosamoota Afaan Oromootiin barreeffaman irratti gaggeeffaman gahaa waan hin taaneef.Kanaafuu,kaayyoon qorannoon kun qabatee ka`e asoosamoota Dhoksaa Jireenyaafi Quba Qubeelaa yaaxina bifiyyeetiin qaaccessuu dha.Mataduree qorannoo kanaa ijaaruudhaaf kitaabileen garaagaraa sakatta`amanii akka sakatta`a barruutti qorannicha keessatti hammatamanii jiru. Qorannoo kana geggeessuuf malli qoratichi itti dhimma bahe mala qaaccessa kitaabaa ti.Dabalataanis, meeshaalee ragaan ittiin funaanaman keessaa sakatta`a dookimantiitti dhimma bahamee jira.Mala kanaan ragaalee funaannatee jira,akkasumas ragaalees xiinxalee jira.Haaluma kanaan, ragaalee cunfame kanarraa argannoon qorattichaa asoosamoota qaacceeffaman keessa hanqinniifi ciminni jiraachuu adda baaseera.Ciminni kitaabilee filataman keesatti mula‟atan:caasaan ijaarsa sabseenaa keessumattuu asoosama Dhoksaa Jireenyaa keessatti cimaa ta‟uu,haalli uumamsa fakkaattotaa namoota addunyaa kanarra dhugaan jiraataniin walsimuun gahee asoosaan kenneef hojiitti hiikuun amanamummaa seenichaatiif shoora guddaa taphachuun isaanii fa‟aa dha.Inni biraa immoo sadoommiiwwan gosa adda addaa amaloota fakkaattotaatiin walsimsiisanii itti fayyadamuu dha.Karaa biraatiin fakkoommiiwwan gara garaatti dhimma bahuun wantoota ifatti hin mul‟anne waan qabatamaan bakka buusuun ol guddisee mul‟isuun cimina isa biraa ti.Gama yoomessaatiin asoosamoota lamaanuu keessatti biyya keessaa eegalee hanga biyya alaatti deemuun dhaamsi adda addaa keessatti dabarfamuun cimina isaa ti.Waldhabbii ilaalchisee immoo humnoota kaayyoofi fedhii mataa isaanii qabaniifi waan hundaan wal gitan gidduutti taasifamuuniifi waldhabbii qabatamaan hawaasa keessatti raawwatamuun wal gituun ciminoota gama kanaan mul‟atanii dha.Ija seenessaan walqabatee immoo asoosamni Dhoksaa Jireenyaa ija seenessaa ramaddii sadaffaa hunda beekaan kan seeneffame yoo ta‟u,seenessaan beekumsa yeroo darbee,ammaafi gara fuul duraa gonfachuurraa kan ka‟e dubbistootaaf odeeffannoo gahaa kennuu danda‟uun;asoosamni Quba Qubeelaa immoo ija ramaddii tokkoffaan seeneffamuun isaa,seenessaan asoosamichaa kallattiin dhiyaatee miiraafi waan isaatti dhagahamu dubbistootaaf qooduun si‟aayinaan akka hordofan gochuun ciminoota kanneen biroo ti.Akka hanqinaatti immoo asoosama Quba Qubeelaa keessatti caasaan ijaarsa sabseenaa laafaa ta‟uu fi sadoommiiwwan afaanicha keessatti yeroo dheeraaf tajaajilaa turan kan humni waa ibsuu isaanii gadi aanaa ta‟e dabree dabree fayyadamuun ni mul‟ata.Hanqinoonni kanneen biroo immoo ija ramaddii sadaffaan seeneffamuun carraan dubbistoonni tattaaffii mataa isaaniitiin amalaafi eenyummaa fakkaattotaa baruuf qaban xiqqaa ta‟uufi ija ramaddii tokkoffaan seeneffamuun immoo seenessaan hunda beekuu waan hindandeenyeef dubbistoonni waan argachuu qaban osoo hin argatin hafuu danda‟uu dha. Kana bu`uureffachuun qoratichi yaada furmaataa kennee jira:Sabseenaan lafee duugdaa asoosamaa waan ta‟eef xiyyeeffannaan guddaan osoo kennameefii gaarii ta‟a. Iji seenaan asoosamichaa ittiin seeneffamu of eeggannoon osoo filatamee bu‟a qabeessa ta‟a.Dabalataanis,sadoommiiwwaniifi fakkoommii humni waa ibsuu isaanii cimaa ta‟e osoo gargaaramanii filatamaa ta‟uu qorattichi akka yaada furmaatatti lafa kaa‟eera. | en_US |
| dc.identifier.uri | http://etd.aau.edu.et/handle/123456789/18079 | |
| dc.language.iso | om-ET | en_US |
| dc.publisher | Addis Ababa University | en_US |
| dc.title | Qaaccessa Asoosamoota Dhoksaa Jireenyaafi Quba Qubeelaa Yaaxina Bifiyyeetiin | en_US |
| dc.type | Thesis | en_US |