Sakatta’a Walitti Fufinsaafi Dagaagina Qabiyyee Ogbarruu (Boqonnaa Gara Boqonnaafi Olee) Kitaaba Barattootaa Afaan Oromoo Kutaa 11fi 12
No Thumbnail Available
Date
2019-08
Authors
Journal Title
Journal ISSN
Volume Title
Publisher
Addis Ababa University
Abstract
Qorannoon kun mata duree “Sakatta’a walitti fufinsaafi dagaagina qabiyyee ogbarruu
(boqonnaa gara boqonnaafi olee) kitaaba barattoota Afaan Oromoo kutaa 11fi 12” jedhu
irratti kan gaggeeffamedha. Sababni mata-duree kanarratti qorannoo gaggeessuuf ka’umsa
ta’e, qorataan kun yeroo dheeraaf Afaa Oromoo barsiisaa kan ture yommuu ta’u, turtii isaa
kana keessatti waa’ee dhiyaannaa ogbarruu kutaa 11fi 12 irratti komiin barsiisaafi
barattoota biraa darbee darbee ka’uunsaafi kallattii mata duree Kanaan qorannoon bal’aa
kutaawwan kana lamaan irratti gaggeeffamuu dhabuun qoratichaaf rakkoo xiyyeeffannoo
argachuu qabu ta’ee waan itti mul’ateef qorannoo irratti gaggeessuuf kaka’umsa itti horee
jira. Kaayyoon gooroo qorannoo kanaas, kitaabilee barattootaa kutaa 11fi 12 keessatti
qabiyyeen ogbarruu walitti fufinsaafi dagaagina boqonnaa gara boqonnaafi olee qabaachuu
isaa adda baasuudha. Qorataan kitaabni barattoota Afaan Oromoo ku. 11fi 12 walitti
fufinsaafi dagaagina qabiyyee qabaachuufi qabaachuu dhabuu isaanii adda baasuun yaada
furmaataa kaa’uuf immoo gosa qorannoo keessaa qorannoo ibsaatti dhimmi bahee jira.
Madda odeeffannoo kitaaba barattootaa Afaan Oromoo ku. 11fi 12fi barsiisota kutaa kana
lamaan barsiisan mala iddatteessuu mit-carraa keessaa akkaayyoon filateera. Iddattoowwan
kana irraas odeeffannoo funannachuuf meeshaalee funaansa ragaalee sakatta’a dokumantiifi
af-gaaffiitti dhimmi bahee jira. Odeeffannoon sakatta’a dokumantiifi af-gaaffiin funaanaman
mala akkamtaafi hammamtaan ykn makoo ibsaan qaacceffamaniiru. Akka ragaalleen
qaacceffaman mul’isanitti walitti fufinsiifi dagaaginni qabiyyee ogbarruu ku. 11fi 12
ciminaafi hanqina qabaachuu mul’iseera. Haata’u malee, qorannoon irra caalatti hanqina
irratti xiyyeeffachuun kan gaggeeffamedha. Kunis kan ta’eef, hanqinoota mul’atan
fooyyessuun akka danda’amuuf yaada furmaataa eeruufi. Argannoo qorannoon kun
agarsiise haalli dhiyaannaa qabiyyee ogbarruu kitaaba barattoota Afaan Oromoo ku. 11fi 12
hanqina qabaachuu isaa agarsiisee jira. Akkasumas, qabiyyeen ogbarruu kutaadhaa gara
kutaattii akka kan boqonnaa gara boqonnaa hanqina bal’aa ta’uu baatus, hanqinni
jiraachuu isaa qaaccessii boqonnaa afur jalatti gaggeeffame mul’isee jira. Walumaagalatti,
argannoo qorannoo kana irraa ka’uun haalli qophii kitaabilee barattoota Afaan Oromoo ku.
11fi 12 walitti fufinsaafi dagaagina qabiyyee boqonnaa gara boqonnaafi olee irratti osoo
xiyyeeffannoon kennamee gaariidha.
Description
Keywords
Oromo Language