Qaacceessa Jijjiirama Moggaasaa Maqaa Ammayyaa Daa‟Imman Godina Shawwaa Kibba Lixaa Aanaa Amayyaa
No Thumbnail Available
Date
2019-08
Authors
Journal Title
Journal ISSN
Volume Title
Publisher
Addis Ababa University
Abstract
Kayyoon qorannoo kanaas qaacceesa Jijjirama moggaasa maqa hammayyaa daa‟ imman Oromo Godina
Shawa Kibba Lixaa Anaa Amayaa magalaa Gindoo yeroo ammaa moggafamaa jiraan Qabiyyee isaanii bu‟uurri
moggaasa maqaalee yeroo ammaa, maqaaleen yeroo ammaa moggaafamaa jiraan akkamiin akka
maggoofaman, haalaa aadaa hawwasichaa eeganii moggaafamaa jiraachuu isaanii adda baasuudha. Kaayyoo
kana galmaan ga‟uufis malli qorannoo filatame, qorannoo ibsaati. Ragaan qorannoo kanaa karaa sakatta‟insa
galmee maqaalee barattootaa, karaa af-gaaffiifi marii garee manguddootaa, maati da‟imani, barsiisotaafi
ogeessota aadaafi tuurizimii aanichaa irraa waliti qabamee jira. Ragaan sakatta‟insa galmee maqaalee irraa
argame, odeeffannoon afgaaffiin maanguddootaafi oggeessota irraa argame mala akkamtaatiin, qaacceffamee
ibsamee jira. Ragaan bifa kanaan sassaabame xinxalame akka ibsutti maqaaleen da‟imman Oromoo durii akka
aanaa Amayaatti haala adda addaan moggaafamuu akka danda‟amu odeef-kennitoonii ibsanii jiru. Haaluma
kanaan moggaasni maqaa dhuunfaa Oromoo ganamaa haala irratti hundaa‟uun moggaafamaa turan keessaa
muraasni: hammachiisaan, guddifachaan, maatiin, moggaasa gaa‟eelaan raawwatamuu danda‟a jechuun
ibsan.Mogggaasi maqaalee daa‟immanii yeroo ammaa kan maatiin gaggeeffamu akkuma jirutti ta‟ee,
olaantummaa guddaan kan maqaa moggaasu akkoofi akaakaa osoo hin ta‟in abbaafi haadha daa‟immaniitii.
Qabiyyee maqaalee yeroo ammaa aanicha keessatti moggaafaniis irra guddaa isaa kan irratti xiyyeeffatu
Siyaasaan, hawwiifi Abdii, yeroo ykn Waqtiilee, iddoo dhalootaa, amantii, haala yeroo dhalootaa (gaddaafi
gammachuu), miidhagina Qaamaa, sabboonummaan, Biqiltootaanfi dinqisiifannaa irratti kan xiyyeeffatan ta‟uu
isaa hubatamee jira. Kana malees qorannoo kan keessatti wanti hubatame biroon amala maqaaleen amma
moggaafamaa jiran kan duraanii irraa adda ittiin bahan yeroo ta‟u amolooti kunninis bakka sadiitti qoodamanii
dhiyaatanii jiru.Amalli tokkoffaan Amala Hiikaa yeroo ta‟u maqaaleen yeroo ammaa moggaafaman hikaan
maqaa addunyaa fakkaatuun mogaafachuutu mul‟ata.Amalli inni biroon amala caasaati. Caasa ilaalchisee
amala caasaa jechaafi himaa maqaalee daa‟imman Oromoo yeroo ammaa moggaafamaa iirantu ilaalame.
Caasaa jechaa ilaalchisee maqaaleen ragaaf guuraman harki caalaan kan umaman mala suphiinsaa
(blending)fi makootiin. Caasaa Himaa ilaalchisee immoo maqaaleen yeroo ammaa moggaafamaa jiran, hindi
isaanii jechuun hindanda‟ama, unkaa himaa qabu. Amala koorniyaa ilaalchisee immoo yeroo ammaa kana kan
moggaafamaa jiran koorniyaa addaan fo‟uu dhabuu isaaniiti. Qorannoo kana keessatti qabxii biroon ilaalame
namoonni maqaa duraan ture dhiisanii maalif akka kan ofii barbaadan akka moggaafatanifi moggaasan
sakatta‟uunn yaalamee jira. Akka odeef kennitoonni ibsanittis sababiin jijjiirama moggaasaa duraa duubaan
hammayyummaa, Sabboonummaa, maqaalee Duraan Turan Jibbuu, amantiifi siyaasa akka ta‟e qorannoon kun
ni mirkaneessa. Dhuma irrattis maqaaleen kun gadifageenyaan qoratamanii haala duudhaafi aadaan Oromoo
hayyamuun osoo kallattiin itti barsiifamu eeramii gaariidha kan jedhu yaboon kennamii jira.