Xiinxala Afoolaafi Fakoomii Wadaaja Dhaabbachuu Oromoo Kamisee: Aanaa Jiillee Dhummuugaa
No Thumbnail Available
Date
2017-08
Authors
Journal Title
Journal ISSN
Volume Title
Publisher
Addis Ababa University
Abstract
Qorannoon kun Naannoo Amaaraa, Godina kamisee, Aanaa Jiillee Dhummuugaatti gaggeeffame.Kaayyoon isaas raawwii afoolaafi fakoomii wadaaja dhaabbachuu xiinxaluudha. Qorannoo kana gaggeessuuf wanti qorata kana kakaase raawwiin sirna wadaaja kanaa maaliif akka barbaachise, hubachuu; duudhaalee aguugamaa deeman ifa baasuudha.Akkasumas ergaa afoolawwanfi fakoomii wadaaja dhaabbachuu xiinxaluudha.kanamalees, qorannoowwan kanaan dura aanaa kanas ta‟ee godina kana keessattis akka aanaa kanaatti dhimma barsiifata Oromoo irratti bal‟inaan hojjataman waan hin argamneef adeemsaafi gosoota duudhaa hawaasa Oromoo aanaa kanaa qorachuu barbaadaniif ka‟umsa gochuuf yaadameeti.Kanaaf,qorannoon kunis iddoo hiri‟ina kana cufa jedhamee kan gaggeeffamedha. Iddaattessuu miti carraatti gargaaramuun dhiira kudha lamafi dubartiin lama filatamaniiru. Kunis iddaattessuu akkamtaa fayyadamuun yommuu ta‟u. Maloonni funaansa ragaa qorannichaaf oolan,immoo afgaaffi,daawwannaafi sakkatta‟a barruuleeti..Ragaaleen tooftaa kanaan guuraman immoo mala ibsa akkamtaan qaacceffamaniiru.Arganannoon qorannichaa immoo sirni wadaaja dhaabbachuu dagatamaa deemuufi amantiin dhuunfatamuu. Sirnicha Keessatti dhiirri caalaatti qooda fudhachuufi duudhichi akka jajjabeeffamu maanguddoonni fedhii qabaachuudha.kanamalees duudhaaleen Oromoo naannichaa hedduu akka ta‟e bal‟inaan hubatameera.Argannoowwan kanneen gargaaramuun sirnichi adeemsa isaa bifa suur- sagaleefi barreeffamaan qophaa‟ee dhaloota dhufuuf godaambaa keessa kaawwame sirnichi akka hinirraaffatamneef gargaara. Yaadni furmaataa immoo, jaarsoliin biyyaa, itti gaafatamtoonni aadaafi turizimiifi namoonni dhimma kana irratti qorannoo geggeessan hundi sirna wadaaja dhaabbachuu kana keessatti sirnoonni jiraniifi afoolli akkasumas meeshaalee kabaja ayyaanichaaf oolan xiyyeeffannoo itti kennamuun funaanamanii kaa‟amuu akka qaban yaboo qorannichaa keessatti ibsamaniiru.