Xiinxala Fayyadama Jechootaa Kitaabilee Barnoota Afaan Oromoo Kutaa 1ffaa-4FFAA

No Thumbnail Available

Date

2017-08

Journal Title

Journal ISSN

Volume Title

Publisher

Addis Ababa University

Abstract

Kaayyoon qorannoo kanaa fayyadama jechootaa kitaabilee barnoota Afaan Oromoo kutaa1ffaa – 4ffaa keessa jiru xiinxaluudha. Qorannoon kun mala akkamtaatiin gaggeeffame. Kaayyoo qorannichaa kana galmaan gahuuf meeshaalee odeeffannoon ittiin funaanan kanneen sakatta’iinsa kitaabilee barattootaa, qajeelcha barsiisotaafi silabasiiwwan Afaan Oromoo kutaa 1ffaa – 4ffaa hojiirra oolanii jiru. Akkasumas, qoratichi kitaabilee barattootaa sakatta’uun haalli dhiyeessiin fayyadama jechootaa isaan kamfaatu akka dhiyaate adda baafatee gabateerratti kaa’eera. Akkasumas, walsimanna kitaabilee barattootaafi qajeelcha barsiisotaafi uwwisa fayyadama jechootaa silabasii barnoota Afaan Oromoo keessatti dhiyaatan adda baafamanii taa’aniiru. Walumaagalaatti, odeeffannoon qorannoo kanaa malleen akkamtaan ibsame. Argannoon qorannoo kanaas, haala fayyadama jechootaa kitaabilee barattootaa kutaa 1ffaa-4ffaakeessatti: akaakuwwan fayyadama jechootaa kitaabilee barattootaa keessaatti haala ifa ta’een addaan baasafamanii dhiyaachuu dhabuu, maalummaan dhamjechoota Afaan Oromoofi akkaataan qoqqoodinsi dhamjechootaa kanaa addaan bahanii beekamuu dhabuu; akkasumas, tajaajilli dhamjechootaa ibsamuu dhibuudha. Kana malee, hariiroo hiika jechootaa addaan baasee ka’uufi shaakala hojii keessatti akaakuwwan hariiroo hiika jechoota hunda hirmaachisuu dhiisuudha. Dhiyeessii fayyadama jechootaa keessatti hiika jechootaa galumsaarratti hundaa’e dubbisa keessatti baay’inaan dhiyeessuu dhabuufi jechoota waliin deeman sirnaan dhiyeessuu dhabuudha. Dhuma irratti,silabasiin barnoota Afaan Oromoo qophaa’e hanqina qabaachuun isaati. Hanqinni silabasii barnootaa kana irratti mul’ate keessaa: kaayyoo barumsaa barnoota Afaan Oromoo haala ifa ta’een kaa’uu dhabuu, qabiyyeen fayyadama jechootaa addaan baafamanii taa’uudhiisuufi wayitii qabiyyee fayyadama jechootaaf ramadamedhibuun isaa uwwisa fayyadama jechootaa silabasii barnootichaa akka hinbeekne taasisee jira. Madda rakkoo armaan olitti ibsame kanaafis, yaadni furmaataa kennameera. Yaadni furmaataa kenname kunneen qaamni sirna barnootaa qopheessu ykn BBO dhiyeessa fayyadama jechootaa kitaabilee barnootaa keessatti: akaakuwwan fayyadama jechootaa addaan babaasanii kaa’uun ibsa kennuu, maalummaa dhamjechoota Afaan Oromoofi haala qoqqoodinsa isaanii tarreesuu, akkasuamas tajaajiala dhamjootaa kana jechoota hiika haaraa barsiisuu keessatti qaban, hariiroo hiika jechoota gidduu jiran akaakuu isaaniin adda baasuun kaa’uu,hiika jechootaa akka galumsaatti irrattiifi jechoota waliin deeman irratti xiyyeeffannoo osoo kennani gaariidha. Akkasumas, silabasiin barnootaa kitaaba barataafi qajeelcha barsiisaa qopheessuuf shoora olaanaa waan qabuuf xiyyeeffannoon osoo kennamee gaariidha.

Description

Keywords

Citation