Browsing by Author "Lammeessaa, Waaqjiraa"

Now showing 1 - 1 of 1
  • No Thumbnail Available
    Item
    Qaaccessa Weedduu Arrabsoo Sirna Fuudhaafi Heerumaa Oromoo Wallagga Lixaa Aanaa Jaarsoo Ija Yaaxxina Caasaan
    (Addis Ababa University, 2019-08) Lammeessaa, Waaqjiraa; Taliilaa, Xilaahun (PhD)
    Kaayyoon qorannoo kanaa ijaarsa gaaleewwaniifi ciroowwan weedduu arrabsoo sirna fuudhaafi heerumaa Oromoo irraa ijaaraman, qindoomina caasaa weedduu arrabsoo sirna fuudhaafi heerumaa Oromoofi dhimmoota weedduun arrabsoo sirna fuudhaafi heerumaa Oromoo irratti xiyyeeffatu ija yaaxxina caasaan qaaccessuudha. Kaayyoo kana galmaan ga’uuf maddi ragaa qorannoo odeeffannoon irraa funaaname hawwootaafi sakattaa dookimentiiti. Od-himtootni ragaa kennuuf filataman mala iddatteessuu miti-carraa keessaa mala iddatteessuu akkayyooti.Odeeffannoo ragaa kennitoota irraa karaa marii garee, daawwannaafi sakattaa dookimentiin funaanuun od-himtootaaf qophaa’e irraa ka’uun ijaarsa gaaleewwaniifi ciroowwan weedduun arrabsoo sirna fuudhaafi heerumaa irraa ijaaraman, qindoomina caasaa weeddichaafi dhimmoota weeddichi irratti xiyyeeffatu ija yaaxxina caasaan qaacceffame. Innis weedduun arrabsoo sirna fuudhaafi heerumaa jechoota filatamoo, gaalee fi ciroo miira gurbaa fuudhuufi intala heerumtuu tuquun barsiisuu, gorsuu, akeekkachiisuufi onnachiisuun amala badaa irraa deebisuu dandeessisu irraa ijaarame. Qindoominni caasaa isaas unkaan gabaabaa, xumura bo’oo irratti sagalee walfakkaataa qabaachuu, irra deddeebii sagaleefi jechaa qabaachuu, ceesisaa fi qindoomina duraa duubaa qabaachuun isaa weeddichi akka yaadatamu taasisee jira.